कंपनीचे स्टील सामान्य नागरिकांपासून ते उद्योजकांपर्यंत वापरत आहेत. भारतीय राष्ट्रीय राजमार्ग प्राधिकरण, हिरानंदानी, शापूरजी पालनजी, रिलायन्स, रावका ग्रुप, महिंद्रा ॲण्ड महिंद्रा, यांसारख्या मोठे उद्योगही कंपनीच्या स्टीलचा वापर करतात. गुजरात राज्यातील नर्मदा नदीवरील सरदार सरोवर निर्मितीतही या स्टीलचा वापर केला आहे. तसेच रिलायन्स ग्रुपसाठी काकीनाडा येथील समुद्राच्या आतमध्ये असलेल्या प्रकल्पासाठी गंजरोधक स्टील निर्मिती करून दिले आहे, हे विशेष.

मागील तीस वर्षांपासून राठी स्टीलने गुणवत्ता वाढीवर अधिक भर दिला; तसेच नवीन ब्रॅंड विकसित केले. संशोधन व विकासावरही भर दिला आहे. आयआयटीचे तज्ज्ञ प्राध्यापक, संशोधक तसेच विद्यार्थी या सर्वांच्या मदतीने कंपनीत अद्ययावत प्रयोगशाळेची निर्मिती करून येथे सळईवर संशोधन करून डीएस सळई तयार करण्यात आली. डीएस सळई तयार करण्यासाठी पाणी अतिमहत्त्वपूर्ण असल्याने कंपनीत आरओ प्लांट बसविला. सळईनिर्मितीत बिलेटच्या तापमानाला अनन्यसाधारण महत्त्व असते. तापमान नियंत्रणासाठी फर्नेस उभारून त्यासाठी लागणारे अत्याधुनिक पी.एल.सी. या ठिकाणी बसविण्यात आले.

एक गाव एक डिलर ही संकल्पना राबवत कंपनीने डिलर्सचे विस्तृत नेटवर्क तयार केले आहे. परिणामी ब्रँड म्हणून आयकॉन स्टील अल्पावधीतच गाव-खेड्यात जाऊन पोचले आहे. ग्लोबल टू लोकल या संकल्पनेआधारे शहरापासून ते गाव-खेड्यातील सामान्य माणसाच्या घरापर्यंत कंपनीचे स्टील पोचले आहे.

राठी स्टीलने व्‍यवसायासोबतच सामाजिक कार्यासाठीही पुढाकार घेतलेला आहे. जलसंधारण, वृक्षारोपण, डेन्स फॉरेस्ट निर्मिती असे पर्यावरणविषयक प्रकल्प हाती घेतले आहे. तसेच बेटी बचाओ ही मोहीम राज्यभर त्यांनी हाती घेतली. गावागावांत, शहराशहरात कंपनीने बेटी बचाओ संदेश देत पथनाट्य, मोबाइल व्हॅनद्वारे जनजागृती केली; तसेच विविध सामाजिक संस्थांना सामाजिक कार्यासाठी सतत आर्थिक मदतही केली जाते. रोटरी क्लब ऑफ जालना सेंट्रल व कंपनीच्या सहभागातून यंदा हजारो वृक्षारोपण करण्याचा कार्यक्रम हाती घेण्यात आला आहे.

नव्या तंत्रज्ञानाची दारे खुली झाल्याने गुणवत्ते आणखी सुधारणा झाली आहे. त्यामुळे पीळदार सळयांऐवजी अधिक मजबूत, ५०० ग्रेडच्या, हॉट ब्लेड इत्‍यादी प्रकारच्या सळयांची निर्मिती करणे शक्य झाले आहे. सल्फर, कार्बन, फॉस्फरस कमी करत भारतातील खाणीतून निघालेल्या उत्कृष्ट प्रकारच्या स्पंज (कच्चा लोह) आयर्नद्वारे सळईचे उत्पादन केले जाते.

एखाद्या ब्रॅंड निर्मितीसाठी खूप कष्ट घ्यावे लागतात. त्या ब्रॅंडवर ग्राहकांचा विश्वास निर्माण करण्यासाठी गुणवत्तेमध्ये कुठलीही तडजोड करता येत नाही. आयकॉन स्टील कंपनीमध्ये दुसऱ्या पिढीच्या खांद्यावर हळूहळू काही जबाबदाऱ्या दिल्या जात आहेत. दुसऱ्या पिढीलाही गुणवत्तेशी कधीही तडजोड करू नये, हा मूलमंत्र दिनेश राठी यांच्याकडून दिला जात आहे.

कंपनीमध्ये जे कर्मचारी रुजू झाल्यानंतर ते आतापर्यंत कधीच सोडून गेले नाहीत. एक कुटुंब म्हणून येथील कर्मचारी वर्षानुवर्षे येथे काम करत आहेत. लॉकडाउनमध्येही एकही कर्मचारी कमी केला नाही. तसेच उत्पादन बंद असताना देखील सर्व कर्मचाऱ्यांना संपूर्ण वेतन देण्याबरोबर त्यांच्या अडचणी सोडविण्यासाठी सतत कंपनी पुढे असते. सर्व कर्मचाऱ्यांचे लसीकरण करून घेतले असून कर्मचाऱ्यांच्या सुरक्षेवर अधिक भर दिला जात आहे.

• मजबूत आणि गुणवत्तापूर्ण सळई निर्माण करण्यावर भर
• राज्य, देशासह आंतरराष्ट्रीय बाजारपेठे वर पकड
• सामान्य नागरिकांपासून मोठमोठ्या संस्थांना आयकॉन स्टीलचा पुरवठा
• सरदार सरोवर निर्मितीतही या स्टीलचा वापर
• रिलायन्स ग्रुपलाही पुरवठा
• राष्ट्रीय राजमार्ग प्राधिकरणाला स्टीलचा पुरवठा
• सामाजिक कार्यात पुढाकार : हजार वृक्षलागवडीचा संकल्प, रक्तदान शिबिराचे उपक्रम
• हवेतून ऑक्सिजन निर्मिती प्रकल्पाचे काम अंतिम टप्प्यात
• शहराशहरात बेटी बचाओ संदेश देत पथनाटय

• मोबाइल व्हॅनद्वारे सळईच्या माहितीसह सामाजिक जनजागृती
• कंपनीच्या जागेत निर्माण के ला तलाव
• आयकॉन स्टीलकडून वृक्षारोपण मोहीम
• स्टीलसोबत वाळू, खडीची करून दिली जाते चाचणी
• बांधकामाच्या साइटवर केली जातेय मदत
• बांधकाम कंत्राटदार, मिस्तरी यांची घेतली जाते कार्यशाळा
• अभियांत्रिकीच्या विद्यार्थ्यांसाठी कार्यशाळांचे आयोजन
• कं पनीतील कर्मचाऱ्यांची नियमित आरोग्य तपासणी

गुजरात राज्यातील भूज येथे वर्ष २००१ मध्ये भूकंप झाला होता. त्यानंतर गुजरात राज्य शासनाने आरसीसी बांधकामाचे नवीन धोरण ठरवीत टीएमटी बार (सळई) द्वारेच बांधकाम करण्याचा निर्णय घेतला. त्यामुळे टीएमटी बारची मागणी वाढली. या काळात या कंपनीकडून सळईवर टीएमटी बार असे नाव टाकून विक्री व उत्पादन सुरू झाले होते. त्यामुळे कंपनीने गुजरात राज्य सरकारच्या निर्णयानंतर आपले पूर्ण लक्ष उत्पादन वाढीवर केंद्रित केले. परिणामी गुजरातसह देशातील इतर राज्यांत या कं पनीच्या टीएमटी बारची लोकप्रियता वाढली.

पावसाळ्यामध्ये औद्योगिक वसाहत येथील वाहून जाणारे पाणी हे अडविण्याचे काम या कंपनीकडून करण्यात आले आहे. कंपनीने स्वतःच्या जागेत तलाव निर्माण केले. या तलावामध्ये एक लाख १० क्युबेक मीटर एवढ्या पाण्याची साठवणूक होते. त्यामुळे वाया जाणारे पाणी अडविल्याने परिसरात त्याचा फायदा झाला आहे.

महाराष्ट्र शासनाच्या जिल्हा उद्योग केंद्राकडून आयकॉन स्टीलला २००७ मध्ये इंडस्ट्रीज ऑफ जालना स्टील इंडस्ट्रीज हा पुरस्कार देण्यात आला. तसेच अनेक सामाजिक संस्थांकडून कंपनीला विविध पुरस्कार देण्यात आले आहेत.

सर्वसामान्य व्यक्तीकडून एकदाच घर बांधले जाते. त्यामुळे कं पनीकडून घर निर्मितीसाठी वापरण्यात येणारी वाळू, खडी यांचे प्रयोगशाळेत तपासणी करून दिली जाते. तसेच बांधकाम साइटवर काम करणाऱ्या मिस्त्री कामगारांच्या कार्यशाळा आयोजन करून सिमेंट, वाळू, खडीचा किती प्रमाणात वापर करून मिश्रण तयार करावे याबाबत मार्गदर्शन केले जाते. शिवाय बांधकाम सुरू असलेल्या साइटवर कं पनीचे सिव्हिल इंजिनिअर देखील भेट देऊन कामाची पाहणी करतात. त्यामुळे मजबूत आणि सुरक्षित वास्तू निर्मितीसाठी आयकॉन स्टील मदत करत आहे.

इंजिनिअरिंग करणाऱ्या विद्यार्थ्यांना स्टील उद्योगाची माहिती व्हावी, कौशल्य विकास कार्यक्रमाअंतर्गत तीन ते चार दिवसांची कार्यशाळा नियमित आयोिजत केली जाते. तसेच या विद्यार्थ्यांना स्टील कं पनीच्या कामकाजाची माहिती देऊन त्यांना प्रत्यक्ष कामकाज कसे केले जाते, हे दाखविले जाते. यासाठी कंपनीच्या तज्ज्ञांकडून संपूर्ण माहिती व मार्गदर्शन केले जाते.