कै. श्री. भालचंद्र दिगंबर गरवारे ऊर्फ आबासाहेब यांचे नाव इतिहासात सुवर्ण अक्षरांत लिहिलेले आहे. 21 डिसेंबर 1903 रोजी त्यांचा जन्म तासगाव (जिल्हा सांगली) येथे एका मध्यमवर्गीय कुटुंबात झाला. त्यांचा साधेपणा, प्रामाणिकपणा आणि सौहार्दता ही त्यांची ओळख होती. त्यांच्यात पहिल्यापासूनच उद्योजकतेची तीव्र इच्छा होती व त्यामुळे ते प्रथम सांगली, तसेच नंतर मुंबई येथे कामाकरिता स्थलांतरित झाले.

मुंबईत आल्यानंतर त्यांनी वापरलेल्या कार खरेदी-विक्रीचा व्यवसाय सुरू केला. आपला व्यवसाय स्थापित केल्यानंतर त्यांनी 1927-28 मध्ये डेक्कन मोटार एजन्सीची सुरुवात केली. आपल्या व्यवसायाच्या विकासासाठी त्यांनी 1933 मध्ये इंग्लंडच्या आंतरराष्ट्रीय कार व्यापारात आपला सहभाग नोंदविला. सदर भेटीदरम्यान त्यांना व्यवसायाबद्दलच्या अनेक चांगल्या कल्पना विकसित करण्याची संधी मिळाली.

उद्योजकतेचा वारसा प्राप्त झालेले, तसेच सामाजिक बांधिलकी जपणाऱ्या श्री.शशिकांतजी गरवारे यांचा जन्म 5 नोव्हेंबर 1934 रोजी मुंबई येथे झाला. ते कै. श्री. आबासाहेब व कै. श्रीमती विमलाबाई गरवारे यांचे थोरले सुपुत्र होत. त्यांचे शिक्षण इंग्लंडमधील उच्चभ्रू संस्था डलविच कॉलेज येथे झाले. तद्नंतर त्यांनी एडिनबर्ग विद्यापीठात सीनियर बिझनेस मॅनेजमेंट कोर्सची निवड केली जिथे त्यांनी अॅडमिनिस्ट्रेशन, सेल्स् मॅनेजमेंट व मार्केट रिसर्च या विषयांवर विशेष प्रावीण्य मिळवले.

वर्ष 1951 मध्ये आपले शिक्षण यशस्वीरीत्या पूर्ण केल्यानंतर ते भारतात परत आले आणि आपल्या वडिलांच्या व्यवसायात सामील झाले. वर्ष 1967 मध्ये रेडिओ तसेच टी.व्ही. कॅबिनेटसारख्या उत्पादनांसाठी प्रिसिजन इंडस्ट्रिअल मोल्डिंगची सुरुवात करून गरवारे प्लास्टिक्स्या कंपनीच्या व्यवस्थापनाची धुरा यशस्वीरीत्या सांभाळली आणी त्यानंतर त्याचा विस्तार गतिशीलतेने व विविधतेने करण्यास सुरुवात केली. त्यांनी भारतात प्रथमच शेतीसाठी पीव्हीसी पाइप्सची संकल्पनाही प्रत्यक्षात आणली.

औरंगाबाद येथे पॉलिएस्टर फिल्मच्या उत्पादनांच्या विकासासाठी विविध तंत्रज्ञानाने युक्त आर अण्ड डी युनिटची स्थापना करण्यांत आली व त्यास भारत सरकारच्या तंत्रज्ञान विभागाने मान्यता दिली. कंपनीचे या संदर्भातील योगदान लक्षात घेता भारत सरकारने 1981 मध्ये कंपनीस इम्पोर्ट सब्स्टीट्युशनसाठी गोल्ड शिल्ड देऊन कंपनीचा गौरव केला.

शशिकांतजींनी गरवारे हायटेक फिल्मस्च्या नवीन व विविध उत्पादने तसेच पॉलिएस्टर फिल्मस्, सनकंट्रोल, एक्स-रे फिल्मस् इ. सारखे यशस्वीरीत्या उत्पादनांना सुरुवात केलेल्या कामगिरीचा आबासाहेबांना अभिमान होता. आबासाहेब त्यांच्या पत्नी श्रीमती विमलाताई गरवारे यांबाबत अतिशय अभिमानाने उल्लेख करत असत. एकदा औरंगाबाद येथील सर्व कामगार आणि अधिकारी यांच्या प्रयत्नांची व कर्तृत्वाची प्रशंसा करताना शशिकांतजींनी त्यांच्यापेक्षा चांगले काम केले याचा त्यांनी आवर्जून अभिमानाने उल्लेख केला. ‘आबासाहेबांच्या मते ते आपल्या मुलाची आणि शेवटी त्यांची एक मोठी उपलब्धी मानत व त्याचा त्यांना अभिमान होता. ते मुलाने केलेले कर्तृत्व ही एक गुरुदक्षिणा मानत.’

श्री. शशिकांत गरवारे यांनी प्रशिक्षण आणि सतत ज्ञान अद्ययावत करण्याचे कौशल्य विकसित करण्यासाठी मानव संसाधन विकास धोरण स्वीकारले. आपल्या वडिलांप्रमाणेच त्यांनी नेहमीच आपल्या कर्मचाऱ्यांच्या आणि कामगारांच्या समस्या सोडवताना मानवतावादी दृष्टिकोन अवलंबिला. ते आपल्या कुटुंबातील सदस्याप्रमाणे प्रत्येकास वागणूक देऊन त्यांच्या दु:खात व आनंदात सहभागी होतात. त्यांचे अत्यंत व्यस्त वेळापत्रक सांभाळून ते कंपनी कामगार, तंत्रज्ञ, कर्मचारी आणि त्यांचे नातेवाईक यांच्या कल्याणासाठी वेळ काढतात.

शशिकांतजी गरवारे हे त्यांच्या तीक्ष्ण बुद्धिमत्तेमुळे, चिकाटीने, धैर्याने आणि प्रयोगशील स्वभावामुळे भारत तसेच परदेशात लोकप्रिय आहेत. हे सर्व गुण त्यांच्यात त्यांच्या वडिलांकडून आत्मसात झालेले आहेत. शांत आणि प्रेणादायी मृदुभाष्य स्वभाव तसेच नेहमीच मोहक आणि प्रेणादायी असणारे शशिकांतजी लंडनच्या सर्व प्रोटोकॉलचे काटेकोरपणे पालन करतात. त्यांच्या भेटीस येणाऱ्या व्यक्तींचे पाहुण्यांप्रमाणे आदरातिथ्य केले जाते.

शशिकांतजींनी उभारलेला व्यवसाय आता त्यांच्या तीनही मुली- मोनिका, सरिता आणि सोनिया या सांभाळतात. तिन्ही मुलींनी अमेरिका आणि युरोपमध्ये उच्चशिक्षणासोबत एमबीए केले आहे. त्या सर्वजणी व्यवसायामध्ये अतिशय कुशलतेने कार्यरत असून शशिकांतजींना कंपनीच्या प्रगतीसाठी सहकार्य करीत हेत. गरवारे हायटेक फिल्मस् लिमिटेडच्या यशात त्या फार मोठ्या भूमिका साकारत आहेत, याचा शशिकांतजींना अभिमान आहे. शशिकांतजी समाजाकडून प्राप्त झालेल्या गोष्टींबद्दल नेहमी कतज्ञता व ृ ्यक्त करतात व गरजू संस्थांना आपल्यापरीने आर्थिक मदतीचा हातभार लावतात.

प्रथम कन्या : मोनिका – या व्यवसाय, उत्पादन, आर. अण्ड. डी, फायनान्स आणि कंपनीच्या एकूण कामकाजाचा सर्वांगीण विकास पाहतात.

द्वितीय कन्या : सरिता – या कंपनीच्या एचआरए, देशांतर्गत विक्री, कायदेशीर आणि कॉर्पोरेट व्यवहार सांभाळतात.

तृतीय कन्या : सोनिया – या गरवारे हायटेक फिल्मस्, सनकंट्रोल आणि पीपीएफ फिल्म्सचे संपूर्ण निर्यात व विक्री / मार्केटिंग तसेच यूके आणि यूएसए येथील ऑफिसेसचा व्यवहार सांभळतात.

• लातूर भूकंप मदत कार्य – 1993.
• गुजरात भूकंप मदत कार्य – फेब्रुवारी 2001.
• पैठणमधील पूर मदत कार्य – ऑगस्ट 2006.
• पंतप्रधान राष्ट्रीय मदत निधीसाठी देणगी.
• महाराष्ट्रातील पूरग्रस्त भागाचे पुनर्वसन कार्यासाठी शिवसेना मदत निधीस देणगी.
• गरवारे क्लबची स्थापना करण्यासाठी मुंबई क्रिकेट असोसिएशनला देणगी.
• मुंबई येथील वानखेडे स्टेडियमच्या विकासासाठी देणगी.
• मुंबई विद्यापीठाच्या गरवारे इन्स्टिट्यूट ऑफ करियर एज्युकेशन अॅण्ड डेव्हलपमेंट संस्थेसाठी देणगी.
• महाराष्ट्र एज्युकेशन सोसायटी व संलग्न संस्थांच्या विकासासाठी देणगी. पुणे येथील आबासाहेब गरवारे कॉलेज व विमलाबाई गरवारे हायस्कूलच्या विकासात मदत केली.
• सांगली येथील मथुबाई गरवारे हायस्कूल व कॉलेजच्या विकासासाठी वुमेन्स एज्युकेशन सोसायटी, सांगली यांना देणगी व सहकार्य.

• आबासाहेब गरवारे इन्स्टिट्यूट ऑफ मॅनेजमेंट स्टडीज (2011-12) उभारणीसाठी देणगी व सहकार्य.
• मुंबईमधील फेलोशिप ऑफ फिजिकली हॅण्डीकॅप्ड या संस्थेस देणगी.
• हेडगेवार हॉस्पिटल-औरंगाबाद येथे गरवारे कल्याण केंद्रासाठी देणगी.
• व्हिजन रिसर्च फाउंडेशन – चेन्नई यांना देणगी.
• मुंबई येथील सुश्रूषा सिटीझन को-ऑपरेटिव्ह हॉस्पिटल लिमिटेड यांना देणगी.
• मुंबई येथील बॉम्बेटिन चॅलेंज यांना देणगी.
• मुंबई येथील ब्रिच कॅण्डी हॉस्पिटल यांना देणगी.
• जागतिक मराठी चेंबर ऑफ कॉमर्स अॅण्ड इंडस्ट्रीज यांना देणगी व सहकार्य.
• विविध संस्था, इन्स्टिट्युट तसेच विविध स्वयंसेवी संस्थांना सामाजिक कारणांसाठी आर्थिक साहाय्य.
• कोविड-19 या साथीच्या रोगाने ग्रासलेल्या लोकांना अन्न पॅकेट वितरण केले.